На аџилак во Мека само со вакцина за ковид-19
Владата во Ријад подвлече дека вакцинацијата против коронавирусот ќе се смета за главен услов за учество во аџилакот во Мека.
Министерството за здравство на Саудиска Арабија денеска соопшти дека муслиманите кои сакаат да извршат аџилак оваа година ќе треба да докажат дека се вакцинирани против ковид-19.
Владата во Ријад подвлече дека вакцинацијата против коронавирусот ќе се смета за главен услов за учество во аџилакот во Мека, кој сите муслимани кои можат, треба да го направат еднаш во животот.
Можеби ќе ве интересира
Во соопштението не се прецизира дали и оваа година на аџилакот ќе можат да учествуваат само аџии од Саудиска Арабија.
Минатата година само мал број аџии од Саудиска Арабија добија дозвола да учествуваат.
Оваа година, петдневниот аџилак почнува кон крајот на јули.