МЗТ СЕ ИЗБОРИ ЗА ПОЛУФИНАЛЕТО ВО „АБА 2“ Ја совладаа Сутјеска со 73 према 68
Кристијан Николов со 17 поени и шест асистенции беше прво име во победничкиот состав, додека веднаш зад него беа Војдан Стојановски со 15 поени и Хуан Дејвис со 11 поени.
Македонскиот кошаркарски шампион МЗТ Скопје Аеродром се пласира во полуфиналето на регионалната АБА 2, откако вечерва во СЦ „Јане Сандански“ по голема борба ја совлада Сутјеска со 73:68.
„Сино-белите“ од Аеродром бодрени од своите навивачи го контролираа резултатот во сите 40 минути и на крајот заслужено победија.
Можеби ќе ве интересира
Кристијан Николов со 17 поени и шест асистенции беше прво име во победничкиот состав, додека веднаш зад него беа Војдан Стојановски со 15 поени и Хуан Дејвис со 11 поени.
Противник на МЗТ Скопје во задутрешното полуфинале (21 часот) ќе биде подобриот од вечерашниот последен четвртфинален дуел помеѓу Широки и Спарс.
Претходно во текот на денот учество во полуфиналето обезбедија Борац Бања Лука и Златибор.