Мурињо: Фудбалот оди во погрешна насока

Менаџерот на Тотенхем, Жозе Мурињо стравува дека фудбалот оди во погрешна насока. Причината за ова беше поништениот погодок на Хари Кејн за време на вчерашниот натпревар на „петлите“ против Шефилд Јунајтед.

Голот, со кој тимот од Лондон можеше да дојде до изедначување (1:1), не беше признат по интервенцијата на ВАР заради игра со рака на Лукас Моура. Бразилецот беше турнат во оваа ситуација и падна на земја без да може да направи нешто друго, но судиите ги следеа новите правила, според кои секоја игра со рака при градење на даден гол е санкциониран.

Повеќето експерти и обожаватели се налутија што правилата се такви и дозволуваат чистиот гол да се поништи на сличен начин. Менаџерот на Шефилд Јунајтед, Крис Вајлдер, ја опиша одлуката како „фарса“.

– Судијата е во канцеларија. Никогаш не се жалам на човекот со свирката, бидејќи тој веќе не е судија. Мислам дека судијата треба да биде човекот на теренот и луѓето во канцеларијата треба само да го поддржуваат и да му помогнат. Ова не е случај. Не можеме да очекуваме судијата кој не е добар на теренот да биде добар во канцеларија. Одиме во насока што е навистина лошо за убавата игра во која сите сме за вљубени, рече Мурињо по поразот од 3:1.