Мурал за борбата на докторите против коронавирусот

Младиот уметник од Тетово, Рејан Етеми изработи мурал на влезот во градот во чест на лекарите и медицинските работници. Сликата е нацртана во боја на ѕидовите од подвозникот на самиот влез на Тетово од западната страна кон Скопје.

– Мотивот за овој мурал беше пандемијата со коронавирусот и борбата на докторите. Ова е мој начин да им изразам една поддршка на медицинските лица кои се херои на ова време. Ми беа потребни два дена за изработка на овој мурал – вели Рејан Етеми.

Тетовскиот уметник има дипломирано уметност на Универзитетот во Приштина, каде ги поминал и постдипломските студии.