МУАРЕМИ ПОДНЕСЕ КРИВИЧНА ПРОТИВ РУСКОВСКА И ДВЕ ОБВИНИТЕЛКИ Злоупотреба на функцијата, фалсификување и соизвршителство
Со оглед на тоа што постапката за сите пријавени лица од овој момент е тајна, почитувајќи ја пресумпцијата на невиност на пријавените, тоа е сè што во овој момент можеме да споделиме со јавноста, согласно Законот за кривична постапка, велат од Управата за финансиска полиција.
Директорот на финансиската полиција Арафат Муареми поднесе кривична пријава за шефицата за гонење на организиран криминал и корупција, Вилма Русковска, како и обвинителките Ивана Трајчева и Елизабета Јосифовска. До скопското обвинителство стигнала пријава за злоупотреба на функцијата, фалсификуање и соизвршителство.
„Со оглед на тоа што постапката за сите пријавени лица од овој момент е тајна, почитувајќи ја пресумпцијата на невиност на пријавените, тоа е сè што во овој момент можеме да споделиме со јавноста, согласно Законот за кривична постапка“, велат од Управата за финансиска полиција.
Обвинителките не ја коментираат кривичната пријава против нив.
Кривичните пријави на Финансиската полиција следат откако републичкото обвинителството констатираше неправилности при претресот на Обвинителството на Русковска пред три недели во институцијата. Главниот обвинител Љубомир Јовески откако утврди неправилности при претресот во Финансова, случајот на ревизија ѝ го препрати на Русковска за да провери како постапувале нејзините обвинители, по што се очекува конечниот епилог.
За експертите конфликтот меѓу Рускоска и Муареми зборува за лошите состојби во правосудството.