МУ ЈА УДИРАЛ ГЛАВАТА ОД ПРОЗОРЦИТЕ Возач на автобус на ЈСП крвнички претепал патник
Очекуваме ЈСП „Скопје“ официјално да испрати соопштение до нас или до медиумите за овој немил настан, кое ќе биде во целост споделено со јавноста.
Министерството за внатрешни работи за Плусинфо го потврди немилиот настан кој вчеравечер се случил во автобус на ЈСП каде возачот по претходно несогласување со еден од патниците, физички го нападнал и му нанел видливи повреди.
– На 19.07.2022 во 21.17 часот во Полициска станица Карпош е пријавено дека лице кое управувало автобус на ЈСП број 24, по претходно недоразбирање, физички нападнало патник во автобусот. Се работи на расчистување на случајот – информираат од СВР Скопје за Плусинфо.
Потврда побаравме и од Јавното сообраќајно претпријатие ЈСП „Скопје“ од каде нè информираа дека наскоро ќе ни биде испратено појаснување/реакција за настанот само да комплетираме сè.
Како што пренесе вчера „А1. он“, според сведоци на немилиот настан, патникот кој патувал заедно со својата бремена сопруга, побарале од возачот да го вклучи клима-уредот во возилото, кога тој го сторил тоа, возачот видно изнервиран започнал кавга со патникот.
Расправијата во еден момент преминала во крвничко тепање на патникот, а сведоци од автобусот велат дека возачот за раменици го фатил патникот и му ја удирал главата од прозорите. Исплашената и вознемирена сопруга откако го видела својот крвав сопруг по телефон ја информирала полицијата.
Очекуваме ЈСП „Скопје“ официјално да испрати соопштение до нас или до медиумите за овој немил настан, кое ќе биде во целост споделено со јавноста.