📽️ МРАЗ ОД ПОКРИВИ УБИВА НИЗ РУСИЈА Деветмина загинати и над 20 повредени за една недела

Најмалку девет лица загинаа, а повеќе од 20 се повредени во изминатата недела низ Русија, откако натрупан снег и мраз паѓале од покривите на зградите.

Според руското Министерство за вонредни ситуации, регистрирани се повеќе од 60 вакви инциденти во 25 региони низ земјата. Од вкупно 24 повредени лица, девет им подлегнале на повредите.

Надлежните предупредуваат дека станува збор за сериозна опасност во текот на зимските месеци, кога обилните снежни врнежи создаваат големи наслаги на покривите. Граѓаните се повикани да се движат само по расчистени површини и да избегнуваат минување под стреи и покриви од кои може да се одрони мраз или снег.

Властите апелираат и опасните места навреме да се пријавуваат до општинските служби, со цел да се спречат нови несреќи.

Паѓањето снег и мраз од покривите е чест ризик во повеќе руски региони во текот на зимата, а службите повторно потсетуваат дека редовното чистење на покривите може да спаси човечки животи.

Over the past week in Russia, snow and ice falling from building roofs have killed 9 people and injured at least 15 more.

These accidents occurred in at least 25 regions, with over 60 separate incidents reported.

The lady in the video survived. pic.twitter.com/WHtbbn143s

— Volcaholic 🌋 (@volcaholic1) February 17, 2026