🎥 МОЖЕБИ НЕ Е СЛОН ВО СТАКЛАРНИЦА, АМА Е СЛОН ВО ПРОДАВНИЦА Џиновското животно направи хаос во Тајланд
Огромен слон, познат кај мештаните под името Плаи Бјанг Лек, влегол во продавницата во населено место во близина на главниот град на Тајланд, Банкок, околу 3 часот наутро.
На снимката, која брзо стана вирална на социјалните мрежи, се гледа животното како шета низ тесните ходници, а неговата огромна глава речиси го допира таванот.
Откако „прелетал“ низ понудените производи, слонот реши да се почасти – проголта неколку крцкави оризови крекери и јајца, а потоа полека се сврте и излезе како ништо да не се случило.
Палавиот слон живее во блискиот Национален парк Као Јаи, но често знае да оди во населени места во потрага по храна.
Иако мештаните редовно го гледаат како поминува покрај истата продавница, ова е прв пат всушност да влезе внатре.
„Мештаните се навикнати на неговите повремени појавувања, но неговото влегување во продавницата беше целосно изненадување што сериозно ги вознемири и сопственикот и жителите“, објави тајландскиот медиум.
Патем, Плаи Бјанг Лек минатата година беше фатен како провалува во ресторан додека сопствениците спиеја.
#BREAKING: Elephant Raids Shop in Thailand. Not His First Offense
Pak Chong, Thailand — Chaos erupted in a local shop in Pak Chong province as a wild elephant barged in and helped himself to crackers before calmly strolling away.
The elephant, identified by authorities as Plai… pic.twitter.com/TNm54BL8mK
— upuknews (@upuknews1) June 3, 2025