МОСКВА ЈА ЧЕКА ВАЖНАТА ИЗЈАВА НА ТРАМП Лавров вели дека е можно и руско изненадување
Ќе одговорам со зборовите на Доналд Трамп: „Па, почекајте додека не ви кажам“... Можете да очекувате големи изненадувања. Нема да коментираме сега, рече рускиот шеф на дипломатијата запрашан дали на својот американски колега во Малезија му претставил нов мировен предлог за војната во Украина.
Кремљ ја чека „важната изјава“ за Русија што ја најави американскиот претседател Доналд Трамп, бидејќи тоа е единствениот начин да дознаеме за што станува збор, изјави портпаролот на Кремљ, Дмитриј Песков.
– Ја чекаме изјавата, за да разбереме што мислел претседателот Трамп … Внимателно ги бележиме сите нијанси во коментарите на шефот на американската држава – наведе Песков.
Трамп вчера за Ен-би-си њуз (NBC News) посочи дека в понеделник, 14 јули, ќе даде „важна изјава“ за Русија.
Денеска, 11 јули, рускиот шеф на дипломатијата Сергеј Лавров по средба со американскиот колега Марко Рубио во Малезија на новинарите им рече дека бил повторен ставот за Украина кој рускиот претседател му го пренел на Трамп во телефонски разговор од 3 јули.
🇷🇺 “Expect big surprises” — Lavrov on new 🇺🇦 Ukraine plan
Lavrov declined to reveal details of a new peace approach discussed with the 🇺🇸 US: “I will answer in the words of Donald Trump: ‘Well, do you expect me to tell you? You can expect great surprises.’ We’re not going to… pic.twitter.com/rZANGV08M5
— 🅰pocalypsis 🅰pocalypseos 🇷🇺 🇨🇳 🅉 (@apocalypseos) July 11, 2025
Лавров ја спомна „важната изјава“ која ја најави Трамп одговарајќи на прашање дали на Рубио му изнел нов руски предлог за мир.
– Ќе одговорам со зборовите на Доналд Трамп: „Па, почекајте додека не ви кажам“… Можете да очекувате големи изненадувања. Нема да коментираме сега – рече рускиот министер.
Рубио по средбата изјави дека разговарал со Лавров за поинаков прристап во мировните преговори за Украина, нагласувајќи дека ќе му го презентира концептот на Трамп, но дека не верува оти тој концепт гарантира мир.
Додека реториката на Трамп за Русија се заостри во последните денови, сенаторите Линдзи Греам и Ричард Блументал во САД предложија закон со кој земјите кои увезуваат руски енергенси ќе бидат царинети со 500%. Тие го нарекоа предлогот „пресврт во економскиот притисок врз Москва“.
Украинскиот претседаел Володимир Зеленски, по средба со Греам и Блументал, изјави дека разговарал со нив за подобрување на воздушната одбрана на Украина.