Монт Еверест „пораснал” за 86 сантиметри
Непалската експедиција која била на врвот минатата година и Кинезите, кои биле оваа, ја измериле новата надморска височина користејќи Глобален сателитски систем за навигација (GNSS), радари за снимање на површини, скенери, антени и друга опрема што ја носеле со себе.
Највисоката планина на светот, Монт Еверест, е 86 сантиметри повисока од досега официјалните податоци, објавија Кина и Непал заедно. Покривот на светот сега има висина од 8.848,86 метри, пишуваат агенциите DPA и STA.
Досега, официјалната висина на Еверест беше 8.848 метри, што е прифатен резултат на мерењата на индиските научници во 1950-тите.
Ревидираната снежна покривка на врвот на Еверест беше заеднички најавена од министрите за надворешни работи на Кина и Непал, Ванг Ји и Прадип Кумар Гјавали по истражувањето од обете земји.
Непалската експедиција која била на врвот минатата година и Кинезите, кои биле оваа, ја измериле новата надморска височина користејќи Глобален сателитски систем за навигација (GNSS), радари за снимање на површини, скенери, антени и друга опрема што ја носеле со себе.
Тоа е прв пат истражувачите да ја измерат висината од дното до врвот затоа што досега тоа се правело со традиционални тригонометриски методи.
Во Непал, ова мерење е прашање на национална гордост, бидејќи земјата досега се потпирала на мерењата на експерти од странство.
Кристијан Герлах од Баварската академија на науките, експерт за геодезија и глечери, за германската агенција DPA изјавил дека надморската височина не е променета поради новите методи на мерење, но е навистина различна, што може да се должи на поместување на тектонските плочи или топење на снегот.