МОДЕЛОТ НА ВМРО-ДПМНЕ ГРАДИ, ОБЕДИНУВА И НОСИ РЕЗУЛТАТИ Централната власт суштински соработува со локалните самоуправи
Локалните самоуправи имаат партнер во Владата на ВМРО-ДПМНЕ, со цел да се обезбедат подобри услови за живот за секој граѓанин и секоја општина да има услови да напредува, независно која политичка боја ја има локалната администрација. На 2 ноември, имаме можност да го потврдиме овој правец, повика ВМРО-ДПМНЕ.
Во изминатите 4 години градоначалниците од редовите на ВМРО-ДПМНЕ покажаа дека може да се раководи транспарентно, отчетно и во корист на интересите на граѓаните, соопшти партијата.
„Градоначалниците работеа со интегритет и со визија и во многу општини го надминаа ветеното, односно испорачаа повеќе од она што првично беше зацртано во нивните програми. Резултатите се видливи, а граѓаните покажаа дека се задоволни уште во првиот круг на локалните избори на 19 октомври“, соопшти ВМРО-ДПМНЕ
Владата на ВМРО-ДПМНЕ, се додава, направи суштинска промена во начинот на кој централната власт соработува со локалната самоуправа.
„Преку поддршката која Владата им ја овозможува на општините се реализираат капитални инвестиции, се отвораат нови можности и се решаваат проблеми што со години стоеле само на хартија. Се гради инфраструктура, се обновуваат училишта, се модернизира јавниот транспорт, се решаваат проблеми со водоснабдувањето и со отпадот. Тоа се реални промени што го менуваат секојдневието на граѓаните“, се вели во соопптението на ВМРО-ДПМНЕ.
Тоа е моделот на управување што го има ВМРО-ДПМНЕ, модел кој гради и обединува, а најважно носи резултати, се додава во соопштението.
„Локалните самоуправи имаат партнер во Владата на ВМРО-ДПМНЕ, со цел да се обезбедат подобри услови за живот за секој граѓанин, секоја општина да има услови да напредува, независно која политичка боја ја има локалната администрација. Таа поддршка не значи само финансиска помош. Таа значи соработка, отворени врати, континуиран дијалог и процес во кој заедно со градоначалниците се идентификува она што им е навистина потребно на граѓаните и решенија кои се одржливи. На 2 ноември, имаме можност да го потврдиме овој правец. Ги повикуваме граѓаните од Аеродром, Брвеница, Валандово, Виница, Дебрца, Демир Капија, Дојран, Долнени, Зрновци, Карпош, Кичево, Конче, Кочани и Крушево, Лозово, Македонска Каменица, Македонски Брод, Могила, Неготино, Пробиштип, Ранковце, Росоман, Чешиново Облешево, Чучер Сандево, Шуто Оризари и Градот Скопје, да излезат, да изберат напредок и да го направат вистинскиот избор со заокружување на бројот 9“, повикува ВМРО-ДПМНЕ.