📽️ МОЌНИ ЕКСПЛОЗИИ ВО КИЕВ Главниот град на Украина е во пламен, Кличко со предупредување

Моќни експлозии одекнаа во Киев за време на рускиот напад со беспилотни летала врз украинскиот главен град во раните утрински часови, додека Украина и Русија треба да започнат мировни преговори во текот на денот во Истанбул.

– Експлозиите одекнуваат во главниот град. Силите за воздушна одбрана си ја вршат својата работа – изјави градоначалникот на Киев, Виталиј Кличко, во 6:38 часот наутро по локално време.

Кличко го предупреди населението да остане во засолништата сè додека не се објави официјалниот сигнал за крај на тревогата.

Woke to anti-aircraft gunfire and then loud but far off explosion in Kyiv this morning – video shows drone that was downed in west of Ukrainian capital. Wonder how “peace talks” will go today… pic.twitter.com/7SHdwxZgfU

— Euan MacDonald (@Euan_MacDonald) May 16, 2025

Украинскиот претседател Володимир Зеленски постојано повикува на 30-дневен прекин на огнот, велејќи на 23 април дека Украина инсистира на „итен, целосен и безусловен прекин на огнот“.

Директните мировни преговори меѓу Украина и Русија требаше да започнат на 15 мај, но сега се закажани да започнат на денес (16 мај). Руските власти поставија максималистички барања кон Украина во преговорите за прекин на огнот, посредувани од САД.

Естонскиот министер за надворешни работи, Маргус Цахна, ја опиша одлуката на рускиот претседател Владимир Путин да испрати помлади помошници на мировните преговори со Украина во Истанбул на 15 мај како „шлаканица во лицето“.

Москва објави дека нивната делегација ќе ја предводи советникот на рускиот претседател, Владимир Медински.

Самиот Путин нема да присуствува, и покрај повиците од Зеленски и други светски лидери да присуствува на мировните преговори во Истанбул.