МНР НЕМА ИНФОРМАЦИИ ЗА МАКЕДОНЦИ ВО ЛИБАН Не патувајте во земјата, а ако сте таму веднаш напуштете ја

До овој момент нема наши државјани кои се обратиле до Министерството за надворешни работи за помош или за евакуација од Либан, ниту е пристигнато известување дека наши државјани се наоѓаат во Либан, велат од МНР.

„Министерството за надворешни работи и надворешна трговија ги стави сите свои капацитети за асистенција на нашите државјани преку 24 часовниот СОС дежурен телефон на МНР +389 75 268 736 (меил адреса: [email protected]). Поради влошенета безбедносна ситуација во Либан, МНР во неколку наврати ги повика сите наши државјани кои се наоѓаат во оваа држава да ја напуштат во прва можна прилика и апелираше да се одложат сите патувања кон оваа држава, кои не се неопходни“, одговорија од МНР на прашањето на Плусинфо дали досега некој македонски државјанин побарал МНР да им помогне за евакуација.

Досега над 100.000 Либанци ја напуштија земјата поради воздушните напади на израелската војка која ги гаѓа позициите на Хезболах во јужен Либан и во главниот град Бејрут

Повеќе држави организираат авионска евакуација за своите државјани, а некои ги повлекоа и амбасадорите и другиот персонал од дипломатските претставништва.