МНОГУ СУМ СРЕЌНА, ВЕ САКАМ СИТЕ По 11 дена спасена крава од урнатините во Турција, сопственичката воодушевенa (ВИДЕО)

Единаесет дена по разорниот земјотрес што ги погоди Турција и Сирија, при што загинаа повеќе од 45.000 луѓе, добри вести сè уште доаѓаат. Во Дардаган, Турција, во четвртокот на 16 февруари доцна вечерта, од уништената штала беше спасена крава по име Бирџан.

Сопственичката Бирѓул Тунџај секој ден со лазење се провирала низ урнатините за да ѝ донесе храна и вода на својата крава, а сега конечно било можно да се организира спасувачка мисија.

Bugün depremin 11. günü. Adıyaman’da yaşayan Birgül Tuncay’ın evi yıkıldı kendisi kurtuldu ancak ineği enkaz altında kaldı. Birgül Teyze, ‘Bircan’ isimli ineğini her gün her gün enkazın altına sürünerek besliyormuş. Bu çocuğu kurtaralım 🥹 pic.twitter.com/tybIVTJPRT

— Seda Çakır (@bensedacakir) February 16, 2023

Моментот на средбата на сопственичката и нејзината крава Бирџан беше крајно трогателен.

Adıyaman’da ineği enkaz altında kalan kadının ineği ekipler tarafından kurtarıldı. Büyük sevinç yaşayan kadın “İneğimi enkaz altında 11 gün besledim. Hayvanlarımı çocuklarım gibi seviyorum” dedi #Deprem pic.twitter.com/gD4sfwSk4E

— Rudaw Türkçe (@RudawTurkce) February 18, 2023

– Благословени сте, ве бакнувам сите. Повторно ја имам мојата крава. Многу сум среќна денес – изјави таа за Ројтерс.

Повеќе од 45.000 луѓе загинаа во земјотресот на 6 февруари што ги погоди Турција и Сирија, а се очекува билансот да се зголеми бидејќи многумина и понатаму се водат како исчезнати.