МНОГУ ПРОЕКТИ ЧЕКААТ РЕАЛИЗАЦИЈА Кондовски тврди дека ќе се зголеми економскиот развој на Битола
Создавање на поволна клима за домашните, пред сè, локалните инвеститори и привлекување на нови странски инвестиции во градот значително ќе го зголеми економскиот развој на Битола, рече Христо Кондовски, кандидат за градоначалник на Битола од редовите на СДСМ.
Добив уверување од вицепремиерот Фатмир Битиќи дека Владата и понатаму силно ќе ја поддржува новата локална администрација на Битола, напиша на Фејсбук бизнисменот Христо Кондовски, кој е кандидат за градоначалник на Битола од редовите на СДСМ.
„Создавање на поволна клима за домашните, пред сè, локалните инвеститори и привлекување на нови странски инвестиции во градот значително ќе го зголеми економскиот развој на Битола. Тоа е приоритет кој се наоѓа високо на мојата и на агендата на македонската влада. Со вицепремиерот поразговаравме и за досегашните вложувања на владата во Општина Битола, како и за проектите кои чекаат за реализација и можностите новата локална самоуправа да ги достигне проекциите за раст и развој. На крај, со вицепремиерот го споделивме задоволството од импозантната слика на реставрираниот Офицерски дом. Неговиот кабинет беше директно вклучен во целиот процес за што Битола и битолчани му се особено благодарни. Успеавме овој монументален објект да го зачуваме за граѓаните на Битола. Сега е време сите битолчани да уживаат во примената на овој архитектонски градски бисер“, напиша Кондовски.