МЛАДИТЕ СЕ НАЈГОЛЕМАТА СИЛА НА СРБИЈА, ВАЖНО Е НИВНИОТ ГЛАС ДА БИДЕ СЛУШНАТ Ѓоковиќ им даде поддршка на студентите кои протестираат
Како човек што длабоко верува во силата на младите и нивната желба за подобра иднина, сметам дека е од исклучителна важност нивниот глас да биде слушнат, порача Новак Ѓоковиќ преку социјалната мрежа Икс.
Еден од најдобрите тенисери на сите времиња Новак Ѓоковиќ им даде поддршка на студентите, професорите и на средношколците кои со недели протестираат во Србија, барајќи одговорност за трагедијата на железничката станица во Нови Сад, каде загинаа 15 лица.
Светскиот тенисер, кој има освоено 24 титули од Грен слем, се огласи на својот Икс во средата вечерта.
„Како човек што длабоко верува во силата на младите и нивната желба за подобра иднина, сметам дека е од исклучителна важност нивниот глас да биде слушнат. Србија има огромен потенцијал, а нејзината најголема сила е образованата младина. На сите нас ни се потребни разбирање и почит. Со вас, Новак“, напиша Ѓоковиќ, кој претходно ги поддржа и протестите против копањето литиум во Србија.
Као неко ко дубоко верује у снагу младих људи и њихову жељу за бољом будућношћу,сматрам да је важно да се њихов глас чује.
Србија има огроман потенцијал а образована омладина је њена највећа снага.
Оно што је свима нама потребно је разумевање и поштовање. Уз вас,Новак.
— Novak Djokovic (@DjokerNole) December 18, 2024