МЛАДИТЕ СЕ ЕНЕРГИЈАТА НА ПРОМЕНАТА ВО ЧАИР, ВЕЛИ МЕЏИТИ Кандидатот на Вреди најави проекти од образованието, спортот и од културата
Имав многу посебна средба со младите кои за првпат ќе гласаат на овие избори. Млади исполнети со енергија, соништa и идеи за иднината. Тие се тие што ќе ја градат иднината на земјата, но наша должност е да им го отвориме патот, истакна кандидатот на коалицијата ВРЕДИ за градоначалник на Општина Чаир, Изет Меџити.
Кандидатот на коалицијата ВРЕДИ за градоначалник на Општина Чаир, Изет Меџити остварил специјална средба со младите кои за првпат ќе гласаат на локалните избори закажани за 19 октомври.
– Имав многу посебна средба со младите кои за првпат ќе гласаат на овие избори. Млади исполнети со енергија, соништa и идеи за иднината. Тие се тие што ќе ја градат иднината на земјата, но наша должност е да им го отвориме патот – нагласил Меџити.
Тој потенцираше дека приоритет на неговата програма е создавање можности за младите, од современо образование до поддршка на иновации и спортски активности.
Во таа насока, Меџити потсетил на конкретните проекти што веќе се во процес, како што е изградбата на модерниот кампус на Универзитетот „Мајка Тереза“, со достојни услови за секој студент, според стандардите на европските универзитети.
– Работиме младите да имаат простор да учат, да создаваат и да ги развиваат своите идеи. Го градиме модерниот кампус на Универзитетот „Мајка Тереза”, со достојни услови за секој студент, за нашите млади да се образуваат и професионализираат според европски стандарди. Ќе ги поддржиме стартапите на младите, ќе финансираме културни и иновативни програми, каде што младите ќе бидат актери, а не само гледачи. Градиме спортски сали, базени и простории за младински активности, затоа што сакаме здравa, активнa и вклученa генерација – посочил тој.
Меџити ја нагласил и поддршката за локалните спортски клубови, со цел страста и талентот на младите да се претворат во успех и гордост.
– Ова е нашиот пат – да ѝ го дадеме на младината местото што го заслужува, затоа што таму каде што младите имаат можности, таму започнува развојот, таму се раѓа победата – нагласил Меџити.
Меџити денеска исто така учествуваше на состанокот организиран од Стопанската комора на Северозападна Македонија (СКСЗМ) со лидерите на коалицијата ВРЕДИ и кандидатите на оваа коалиција за градоначалници.
Тој ја истакна важноста на тесната соработка меѓу општините, Владата и бизнис-секторот, како предуслов за одржлив економски развој во општините со мнозинско албанско население.
Меџити потсети дека изминатите денови се одржа и посебна средба за зоната Визбегово, која според него заслужува поголемо институционално внимание поради нејзиниот голем економски придонес.