🎥 „МИСЛАМ ДЕКА Е РАКА…“ Новинар известувал за исчезнување на девојче, нагазил врз телото на детето

Шокантен момент бил снимен со камера кога бразилски новинар случајно го открил телото на исчезнато 13-годишно девојче додека известувал во живо од местото на нејзиното исчезнување, објави Индија тудеј.

Новинарот Ленилдо Фразао ја покривал приказната од реката Меарим во Бакабал, североисточен Бразил, каде што девојчето Раиса последен пат било видено. Тоа исчезнало откако заминало на капење со пријатели.

Додека стоел во реката до половина и ги опишувал условите во областа, новинарот одеднаш скокнал и рекол дека почувствувал нешто како го допира под водата.

Моментот, кој бил снимен со камера, го прикажува новинарот како е очигледно вознемирен. Потоа бргу се повлекол кон поплитко и им рекол на колегите:

– Мислам дека има нешто тука долу, на дното на водата.

Опишал дека можеби станува збор за „рака“, иако не бил сигурен и се прашувал дали можеби било само риба.

По неговото известување, пожарникари и нуркачи ја продолжиле потрагата и го пронашле телото на тинејџерката токму на местото каде што стоел новинарот.

На телото не биле пронајдени траги на насилство, а обдукцијата потврдила дека девојчето починало од несреќно давење. Било погребано истиот ден кога било пронајдено нејзиното тело.

😨Reportero pisa accidentalmente el cuerpo de una menor desaparecida

Mientras cubría la desaparición de una niña de 13 años en un río del noreste de Brasil, un reportero pisó accidentalmente su cuerpo, hallado en el mismo lugar donde grababa su reportajehttps://t.co/u53gtmZOMj pic.twitter.com/suWLOdk4oe

— Sepa Más (@Sepa_mass) July 21, 2025