МИС МЕКСИКО Е ЛАЖНА ПОБЕДНИЧКА?! Судијата кој се повлече од жирито неколку дена пред финалето на Мис универзум обвини за местенка
24 часа пред финалето на Мис Универзум, изјавив дека Мис Мексико ќе победи бидејќи сопственикот на Мис Универзум, Раул Роча, е во бизнис со таткото на Фатима Бош - рекол во интервју за HBO композиторот Омар Харфуч, првиот член на жирито за Мис Универзум кој поднесе оставка
– Мис Мексико е лажна победничка. Јас, Омар Харфуч, вчера ексклузивно на American HBO, 24 часа пред финалето на Мис Универзум, изјавив дека Мис Мексико ќе победи – бидејќи сопственикот на Мис Универзум, Раул Роча, е во бизнис со таткото на Фатима Бош.
Сите детали ќе бидат прикажани во мај 2026 година на HBO. Раул Роча и неговиот син, пред една недела во Дубаи ме повикаа да гласам за #Фатима Бош бидејќи им треба таа да победи, бидејќи, ми рекоа „тоа ќе биде добро за нашиот бизнис“ – напиша на Инстаграм Омар Харфуч, кој се повлече од жирито само неколку дена пред финалето.
View this post on Instagram
Либанско-францускиот композитор беше првиот член на жирито што поднесе оставка, наведувајќи дека не сака да учествува во нелегитимен процес.
– Одлучив да се повлечам од мојата улога како судија на Мис Универзум 2025 и сметам дека е важно да објаснам зошто. Првата причина беше тајното гласање. Два дена пред финалето, се одржа тајно гласање за претходен избор на 30 натпреварувачи од 136 – објасни тој, посочувајќи дека гласале лица кои не биле официјални судии.
View this post on Instagram