МИОВСКИ ПОТПИША ЗА НОВ КЛУБ Еве каде ќе игра Македонецот

Македонскиот репрезентативец Бојан Миовски е нов фудбалер на Глазгов Ренџерс, објави попладнево шкотскиот гигант.

Миовски доаѓа во Ренџерс од редовите на шпанска Жирона во која мина една сезона, а со клубот од Глазгов потпиша четиригодишен договор.

„Фудбалскиот клуб Ренџерс денеска со задоволство го објавува потпишувањето на договорот со Бојан Миовски“, се вели во клупското соопштение.

Финансиските детали од договорот не се објавени, но според медиумските извештаи трансферот е вреден три милиони фунти, плус дополнителни 2.6 милиони фунти во бонуси.

„Навистина сум возбуден што ќе му се приклучам на Ренџерс и ќе го направам следниот чекор во мојата кариера. Ова е голем клуб со неверојатна историја и чест ми е што имам можност да бидам дел од него. Во моментот кога слушнав за интересот, знаев дека ова е местото каде што сакам да бидам. Едвај чекам да започнам, да ги запознаам моите нови соиграчи и да играм пред навивачите“, изјави 26-годипниот македонски напаѓач за клупскиот сајт.

Миовски, кој е 11 засилување во летниот преоден рок на Ренџерс, се враќа во шкотското првенство, откако во две сезони постигна 44 голови за Абердин пред да се пресели во шпанскиот прволигаш Жирона.