МИНИМАЛНАТА ПЛАТА ВО ГРЦИЈА ЌЕ СЕ ЗГОЛЕМИ НА 830 ЕВРА Се зголемуваат и бенефициите на работниците поврзани со минималецот
Според грчкиот премиер, минимална плата во Грција во 2019 година изнесувала 650 евра и споредено со неа тоа е зголемување од 27 отсто.
Минималната плата во Грција од 1 април ќе се зголеми на 830 и ќе повлече низа поволности за работниците, невработените, сезонските работници и студентите, изјави грчкиот премиер Киријакос Мицотакис по денешната седница на грчката влада.
-Минималната плата се зголемува по 4-ти пат и така од 1 април оние на кои им се исплатува минималната плата ќе добијат 830 евра месечно што е зголемување од 50 евра и носи со себе три години и бенефиции – рече грчкиот премиер.
Минимална плата во Грција во 2019 година, рече Мицотакис, изнесуваше 650 евра, а сегашното зголемување е од 27%.
Според Мицотакис, одлуката за зголемување на минималната плата нема да влијае на отпорноста и конкурентноста на економијата и ги поддржува приходите без да го загрози намалувањето на невработеноста. Целта е да имаат корист и туристичките работници.
Зголемувањето на минималната плата ќе повлече и зголемување на неколку социјални примања на грчките граѓани кои се поврзани со минималецот: посебна породилна помош, додаток за родителско отсуство како и мерките кои ги опфаќаат невработените и сезонските работници.