Милошоски од Струга: Лани згаснале 6.200 компании, имаме 55.000 невработени
Она што нè загрижува е дека во 2020 година во Македонија имаме 6.200 компании кои згаснале и за жал 1.200 компании затвориле на сопствено барање, рече пратеникот Антонио Милошоски.
Денес во Струга ќе разговараме со стопанствениците од градот, главната тема ќе биде лошата економска состојба, истакна пратеникот на ВМРО-ДПМНЕ, Антонио Милошоски.
Можеби ќе ве интересира
– Она што нè загрижува е дека во 2020 година во Македонија имаме 6.200 компании кои згаснале и за жал 1.200 компании затвориле на сопствено барање. Тоа е потврда дека владата има лоши економски политики чиишто резултат се нови 55.000 невработени. Од тие 55.000 невработени во Струга имаме 4.950 невработени лица што за самиот град претставува голем товар и ја влошува економската ситуација. Затоа сакаме од стопанствениците да побараме совет, мислење и препораки на кои начини преку Собранието можеме да им помогнеме да се подобри оваа лоша состојба – истакна Милошоски.