МИЛОЈЕВИЌ Е НОВ ТРЕНЕР НА ЦРВЕНА ЅВЕЗДА Станковиќ попладнево поднесе оставка
По оставката која попладнево ја поднесе Дејан Станковиќ на тренерското место во Црвена ѕвезда за негов наследник на клупата на српскиот фудбалски шампион е назначен Милош Милојевиќ, објави белградскиот клуб.
Милојевиќ, од 2019 до 2021 година му беше помошник на Станковиќ по што го презеде шведскиот прволигаш Хамарби.
Можеби ќе ве интересира
Минатата сезона Милојевиќ беше тренер на Малме, а доби отказ на крајот од јули по елиминацијата од литвански Жалгирис во квалификациите за Лигата на шампиони.
Тренерското место во белградска Црвена ѕвезда остана испразнето, откако Станковиќ денеска поднесе неотповиклива оставка поради елиминацијата во плејофот во Лигата на шампиони од израелски Макаби.