МИЛИЈАРДЕРОТ ГИ ПРОДАВА АКЦИИТЕ ДОБИЕНИ КАКО ПЛАТА И БОНУСИ Маск продаде акции во вредност од над 1 милијарда долари
Шефот на „Тесла“ почна да продава акции на 8 ноември, делумно за да ја намири даночната сметка што му следува врз основа на опции.
Извршниот директор на Тесла, Илон Маск, продаде уште 934.090 акции, или околу 1,02 милијарди долари сопственички удел во компанијата за електрични автомобили и неговата компанија која се занимава со соларна енергија, покажуваат финансиските податоци објавени доцна синоќа на Волстрит.
Во исто време, Маск ги искористи опциите за купување на скоро 1,6 милиони акции на Тесла по фиксна цена од 6,24 долари по акција, која му беше доделена како надомест во пакетот за компензација во 2012 година, бидејќи не прима плата и парични бонуси, јави Си-Ен-Би-Си.
Со користењето на опциите, чиј рок истекува следната година, Маск го зголеми својот удел во Тесла овој квартал од околу 170,5 милиони акции на над 177 милиони акции, јави Вол Стрит Џурнал.
Шефот на „Тесла“ почна да продава акции на 8 ноември, делумно за да ја намири даночната сметка што му следува врз основа на опции.