Мицкоски за сведочењето на Боки 13: Страшно е ако е точно дека Заев применувал удбашки методи

Не би сакал да е вистина тоа што го слушам. На карјот на денот тој човек бил претседател на влада,  ако тој потикнувал такви работи тоа е страшно.  Ова е коментарот на лидерот на ВМРО-ДПМНЕ Христијан Мицкоски на новинарско прашање за тврдењето на Бојан Јовановски дека Зоран Милевски Кичеец бил пратен од власта како агент да снима разговори меѓу кои со неги и со Катица Јанева.

– Не би скал да верувам дека тоа што го сведочеше Бојан Јовановски е вистина. Но, доколку е вистина, тоа треба да го истражат органите. Ако е точно , нека суди јавноста и тоа е страшно. Свесно човекот што треба да биде авангарда и да ја води оваа држава кон прогрес , да применува удбашки методи, тоа навистина го остава човек без секаков коментар – рече Мицкоски.

Лидерот на ВМРО-ДПМНЕ кажа дека, сепак, не очекува тоа да се случи. Мицкоски ја критикуваше обвинителката Вилма Русковска, која требала веднаш да покрене истрага по допрен глас по сведочењето на Јовановски, и затоа, додаде тој, опозицијата и граѓаните немаат доверба во обвинителството што таа го води ниту пак во правосудниот систем.