Мицкоски за Шекеринска: Срам немате, можевте да набавите вакцини!

Министерката за одбрана Радмила Шекеринска на прашањето што точно ќе се преземе да се реши проблемот и за вратениот капар за кинеските вакцини, додека се усогласуваат деталите, посочи дека тоа не е во нејзиниот сегмент на работа, но нагласи дека Владата е транспарентна и дека не ги крие информациите од јавноста и проблемите со коишто се соочуваме.

– Можеше ова да не го кажеме, за да добиваме помалку прашања, но тоа не е начин на кој функционира оваа Влада – рече Шекеринска.

На ова реагираше и лидерот на ВМРО-ДПМНЕ, Христијан Мицкоски.

„Срам немате. Можеше и да набавите вакцини, ама не набавивте. Вие сте срам за државата. Оставки веднаш“, напиша Мицкоски на Фејсбук.