МИЦКОСКИ ВО ОХРИД ПОЧНА СО ВИЦ ЗА ЗАЕВ Половина час на телефон и Заев го реши првиот проблем (ВИДЕО)

На официјалното почнување на изборната кампања за локалните избори лидерот на ВМРО-ДПМНЕ Христијан Мицкоски вечерва во Охрид својот говор го започна со виц за Зоран Заев.

– Отишол вели Заев во едно населено место, ги собира граѓаните, жителите на тоа населено место и им вели кажете ми два проблеми кои што сакате да ви ги решам. И првиот проблем кои што тие го рекле господине Заев овој градоначалникот овдека изминативе четири години не лажеше дека ќе направи водовод, дека ќе направи канализација, но од ветеното ниту трага, ниту глас. Се завртел Заев го земал мобилниот телефон во рака почнал да врти на директори, министри, соработници, да се расправа со проектанти така половина час, овие го гледаат замислено, го гледаат како се препелка те лево, те десно и после половина час спушта слушалицата и вели готово првиот проблем е решен, кој е сега вториот проблем кој што сакате да го решам. Па вика вториот проблем е бидејќи е 21 век сите веќе имаат мобилна комуникација само нашата општина остана отсечена нема мрежа за мобилни телефони, па ако може да обезбедите да има мобилна мрежа за нашите телефони – рече Мицкоски.

На митингот беа преставени кандидатите за градоначалници на ВМРО-ДПМНЕ. Имашпе обраќање и кандидатот за градоначалник за Охрид, Кирил Пецаков.