Мицкоски: Власта прави грабеж, среде ковид пандемија зголемува цена на струја

Високата маржа на универзалниот снабдувач на електричната енергија, масовните врабоувања пред изборите во компаниите и предизборниот поткуп кога на вработените на ЕЛЕМ им беа ислатени по 25.000 денари дирекно влијае за зголемување на електричната енергија , рече претседателот на ВМРО-ДПМНЕ Христијан Мицкоски на денешната прес конференција на која детално објасни зошто македонските граѓани ќе плаќаат најскапа струја во Европа споредено со нивните примања.

– Зголемувањето на цената на струјата претставува серизен удар и грабеж на граѓаните, а се случи веднаш по изборите во време на сериозна здравствена криза. Оваа е измама за екстра профит на сметка на државната компанија – рече Мицкоски.

Тој потсети дека покачувањето на цената на електричната енергија е нешто што оваа влада не го вети, но го реализираше. 

 – Покачување на цената во услови кога имаме тешка економска и здравствена криза преставува сериозен удар врз стандардот на државата и практично е грабеж на граѓаните. Ваквиот чекор кој бил очигледно претходно планиран да се случи веднаш по изборите преставува измама на владата кон граѓаните. Имаме стотици илјади граѓани кои живеат во сиромаштија. Сега тие се втурнати во уште поголема сиромаштија. И во кратки црти, покачувањето на цената на електричаната енергија е чекор со кој се овозможува екстра профит на приватна компанија за сметка на тонењето на државна компанија чии загуби се плаќаат од џебот на граѓаните. Нема друга држава во Европа која среде ковид пандемија покачува цена на електрична енергија, напротив имаме бројни случаи низ Европа каде што владите одлучуваат да субвенционираат комунални трошоци, но истовремено да ги субвенционираат и трошоците кои што граѓаните ги плаќаат за потрошената електрична енергија – рече Мицкоски.

Тој  на прес-конференцијата објасни како се формира цената на електричната енергија за домаќинствата и за стопанството на регулираниот пазар. Притоа нагласи дека е многу важно да се даде одговор на прашањето зошто АД ЕСМ снабдува 100 проценти, а не 75 и останите 25 отсто да ги предаде на слободен пазар, по пазарна цена многу повисока од оваа што му ја дефинира Владата со тоа би остварила дополнителен приход од 1,644 милијарди денари и ќе побара намалување на цената на електричната енергијата. Битно е, оцени Мицксоки, и прашањето зошто се толерира толку висока маржа за универзалниот снабдувач.

– Владата предводена од Спасовски и Заев да не ја префрлаат вината на Регулаторната комисија, да не создаваат димни зависи и да измислува изговори со напади кон опозицијата. Ова не е политика, туку директен удар врз џебот и стандардот на граѓаните. Власта е виновна за ваквото покачување. Не може до вчера да се фалат со воведување евтина тарифа кое сега со новото покачување се анулира и да се прават дека ништо не знаат за покачувањето. Постојат три одговори на клучните прашања зошто електричната енергија е поскапена за 7,4 проценти. Првиот е високата маржа за универзалниот снабдувач на сметка на ниската цена на компанијата во државна сопственост, вториот се масовните партиски вработувања пред изборите, а третиот е исплата на 26.000 денари за секој вработен во ЕСМ под превезот на К-15, 13-та плата и регрес за годишен дмор во насока на поткуп на гласови – рече Мицкоски.

Неиздржани се, дополни лидерот на ВМРО-ДПМНЕ, споредбите за цената на електричната енергија со другите држави зашто тоа се прави во однос на просечната месчена плата, а според тоа, рече, ние плаќаме најскапа струја во Европа.

– Ако се ревидира договорот потпишан во минатото под многу сомнежи и ако се ревидира маржата од 11,5 отсто на универзалниот снабдувач, ќе дојдете до одговорот зашто плаќаме највисока струја во Европа. Доволно е да биде намалена само маржата која беше не повеќе од пет проценти пред поптишувањето на договорот. Тогаш сите ние ќе плаќаме електрина енергија во границите на она што го плаќавме лани – рече Мицкоски и додаде дека ВМРО-ДПМНЕ ќе се бори институционално, но и вонинституционално против овие, според него, погрешни политики

На прашање поврзано со преговорите за парламентарнотто мнозинство  Мицкоски рече дека ќе продолжи да се бори за она во кое верува и ќе ја сослушам секоја поддршка од политичките субјекти.

Тој го повтори ставот на партијата дека некомплетно е конситуирано Собрание со оглед на оа што Талат Џафери, претседателот во заминување ја прекина седницата откако беа верификуввани мандатите на пратениците, а по однос на другите точки не се расправаше.