МИЦКОСКИ СЕКОЈ ДЕН ЈА МАЛТРЕТИРА ЈАВНОСТА Од СДСМ реагираат на барањата за избори на лидерот на ВМРО-ДПМНЕ
Двојно зголемување на цената на струјата, укинување на евтината дневна тарифа, честите повеќеднвени испади на енергетската мрежа се резултатите од неговото долгогодишно директорување со ЕСМ и советување на Никола Груевски. Наместо идеи предлози, се што прави Мицкоски се несоновани критики и обвинувања - велат од СДСМ.
Со денови Христијан Мицкоски ја малтретира јавноста со барање за брзи предвремени избори, заради задоволување на своите лични желби, реагира владејачката СДСМ на интервјуто на Мицкоски за Сител.
– Нервозен е Мицкоски затоа што јавноста гледа дека неговите градоначалници не само што не работат, туку уште во првите месеци се фрлија на расипништво и партизација на општините. Затоа Мицкоски со секојдневни барања за избори, со нарачани анкети сака да го оттргне вниманието од неспособноста на градоначалниците од ВМРО-ДПМНЕ, на чело со Данела Арсовска. Новата Влада со полн легитимитет се формираше пред пет дена и нејзиниот мандат е до 2024 година, Мицкоски може да бара избори колку што сака, избори ќе има во редовниот термин, во 2024 година – се вели во реакцијата.
Од владејачката партија велат дека граѓаните се уморни од избори и дека сега не е време за такво нешто.
– Граѓаните се уморни од избори и бараат решавање на проблемите а не ново заглавување и закочување на државата. Барањето на Мицкоски е обид за опструкција на општеството. Христијан Мицкоски е најмалку повикан да зборува за енергетиката и енергетската криза. Двојно зголемување на цената на струјата, укинување на евтината дневна тарифа, честите повеќеднвени испади на енергетската мрежа се резултатите од неговото долгогодишно директорување со ЕСМ и советување на Никола Груевски. Наместо идеи предлози, се што прави Мицкоски се несоновани критики и обвинувања – велат од СДСМ.