Мицкоски: Почнуваме со тематски протести, в среда е првиот против високата цена на струјата

Лидерот на опозиционата ВМРО-ДПМНЕ Кристијан Мицкоски најави почеток на низа тематски протести поради лошата состојба на економијата и осиромашувањето на граѓаните. Тој ги повика граѓаните, политички партии и невладиниот сектор кои чувствуваат револт кон политиките на актуелната власт да учествуваат на протестите.

Првиот, како што рече, ќе се одржи в среда со почеток во 18 часот  и ќе почне од Министерството за правда а ќе заврши пред Регулаторната комисија за енергетика. Тема на протестот е високата цена на  струјата.

– ВМРО-ДПМНЕ бара да се ревидира одлуката на Регулаторната комисија за енергетика и да ја намали маржата за универзалниот снабдувач која влијае на зголемувањето на цената на струјата – рече Мицкоски.

Лидерот на ВМРО-ДПМНЕ потсети на лошити политика на власта во економијата кои се преточени во официјалните бројки кои покажуваат пад на економијата и зголемена сиромаштија. Тој ги прокоментира и последните податоци за пад на домашниот бруто производ  (БДП) во вториот квартал од 12, 7 отсто, што говори , како што рече, за  лошите политики на власта и преземените мерки за надминување на еконосмките проблеми поради коронакризата. Мицкоски рече дека и во воениот конфлик намало олку голем пад на економијата.

Тој рече дека оваа влада владее мафијашки, што се покажува и во однос на пакет мерките кои што ги презеде за справување со коронакризата, а кои според него, не дале резултати.

Според него, не се спроведени никакви  реформи во правосудниот систем и владеењето на правото кои резултираа со ница случаи кои го поткопуваат системот и довербата во него.