Мицкоски: Летувајте во Македонија, на планина или езеро ВИДЕО

Секој од вас може да помогне. Се прашувате како? Летувајте во Македонија, на планина или езеро. А Македонија со својата природа и своето културно и природно богатство има што да понуди, порачува Христијн Мицкоски, лидер на ВМРО – ДПМНЕ во видео обраќање. 

„Доаѓа летото и многумина од семејствата со право си ги поставуваат дилемите каде би го поминале својот годишен одмор или пак можеби продолжен викенд за релаксација со најблиските. Секој има право на заслужен одмор. Тоа е нешто кое секое семејство го заслужува. Но тоа носи и извесни дилеми, ако се знае дека поминуваме низ тежок период на економска и здравствена криза. И оправдано со тоа и грижите за зачувување на здравјето, но и обезбедување на финансиски средства истиот да се подмири. Кризата не учи да бидеме рационални и да помагаме на другите. 

Убеден сум дека покрај тоа што ќе ја истражите и ќе уживате во Македонија, така помагате и на стопанството, придонесувате луѓето да си ги задржат своите работни места, а едно сочувано работно место е заедничка победа, а победите пак се повеќе среќа, подобра заедничка иднина. Затоа летувајте во Македонија, на планина или езеро. Уживајте во нашата Македонија и помогнете“, порача Мицкоски.