Мицевски: Владата не прави ништо за да ги заштити македонските национални интереси

Надзорна расправа во Собранието од која би произлегла заедничка декларација за македоснките позиции во однос на Бугарија, рече координаторот на ВМРО-ДПМНЕ Никола Мицевски во гостување во 24 анализа.

Тој вели дека иницијативата официјално се уште не е поднесена, но е една од првите работи кои ќе се случат во текот на утрешниот ден. Мицевски обвинува дека владата не прави ништо да ги заштити националните интереси на македонците и дека тргува со идентитетот.

– Ова е тоа за што зборувавме кога се потпишуваше Договорот за добрососедство. ВМРО-ДОМНЕ тогаш бараше да не се брза, да се стави црвена линија под која македонското прашање и потпишувањето на договорот ќе биде усогласено од власта и опозицијата, да не дојдеме до ситуацијата во која сега се наоѓаме. Не убедуваат дека сите работи се решени – рече Мицевски.

Тој смета дека сме биле убедувани дека нема да има проблеми и се ќе биде во ред, а сега на првата пречка удираме во кинески зид и доколку не се седне да се разговара за црвените линии, ќе имаме проблем. Тој истакна дека ВМРО-ДПМНЕ ја осудува секоја негаторска политика кон државата и македонскиот народ и Гоце Делчев е апостол и идеолог на современата македонска држава и коренот на нашите претци и иднината на овој народ од која се освестат и нема да има отстапки во тој поглед.

Во однос на тоа дали би имало нови предвремени парламентарни избори, Мицевски најавува дека има огромно незадоволство во коалиционите партнери на СДСМ и во наредниот период политиката е менлива работа и може да се случуваат многу работи. Потенцираше дека опозицијата нема да ги сопре протестите и откривањето на сите коруптивни дејствија на власта.

– Највувам дека ќе има огромно незадоволство меѓу коалициските партнери на СДСМ и во наредниот период политиката е менлива работа. Незадоволството ќе расте, а ВМРО-ДПМНЕ ќе биде со народот. Од она што го имам како информација, сметам дека незадоволството може да доведе до промена на состојбата на бројките и во парламентарното мнозинство кое во наредниот период може да се случи рече Мицевски.