Металург ги продолжува настапите во Лига Европа

Згуснат распоред со дури шест натпревари во Лига Европа ги очекува ракометарите на скопски Металург во февруари, откако трите одложени натпревари од 2020 година се презакажани за идниот месец.

Како што е соопштено вечерва, Металург ќе ги продолжи настапите на меѓународната сцена на 6 февруари со гостување во Белорусија против Чеховски Медведи, по што ќе одигра два натпревари на домашен терен против француски Тулуз и полскиот претставник Висла Плоцк, на 9 и 14 февруари.

Возвратните дуели против Висла Плоцк и Чеховски Медведи треба да се одиграат во Скопје, на 16 и 20 идниот месец, а три дена подоцна ракометарите на Металург ќе му гостуваат на австриски Фиверс.

Металург во 2020 година одигра три натпревари во А-групата во Лига Европа, со ефект од едно реми и два порази.