Мешовити патроли од утре ќе ги контролираат лулашките и парковите низ Карпош

Мешовити патроли од утре ќе ја контролираат ситуацијата со детските игралишта, маалските паркови, спортските терени, платоа и училишни дворови и ќе мапирааат различни облици на насилно однесување во сите населби во општина Карпош

Овие патроли ќе се организираат два пати во неделата, а во нив ќе учествуваат претставници од Општина Карпош, СВР Скопје, Полициска станица – Карпош и претставници од родителските совети при основните училишта.

– Основната цел е да се пресретне деструктивното однесување на некои посетитители, причините зашто свесно се уништува урбаната опрема, реквизитите и да се спречат овие девијантни појави во заедницата – велат од Општината.

Мешовитите патроли беа договорени како теренска активност на последната седница на Локалниот совет за превенција. Службите на локалната самоуправа досега, често пати констатираат свесно уништување на јавните добра, а со овие мешовити патроли ќе се делува на превенција и едукација на граѓаните кои ги посетитуваат и користат јавните површини.