МЕМЕТ КАМБЕР ПОЧИНА, НО УШТЕ НЕ ПОЧИВА ВО МИР! Немањето документи му прави проблем на детето-фантом и по смртта
Деветнаесетгодишниот Мемет Камбер, едно од оние деца-фантоми без идентитет и документи, почина поради нашиот таканаречен систем, раштиман како клавир на ѓубриште. Тие кои можеа да му помогнат да си ја оствари скромната желба - лична карта и право на здравствено осигурување, работа и живот, дури и сега слепо се придржуваат за некакви правила и принципи, па телото на момчето се уште не е погребано. Иако помина речиси една недела откако почина, Мемет се уште не почива во мир.
Насмеаното лице на 19-годишниот Мемет Камбер кој беше еден од колпортерите на „Лице в лице“, ни е некако познато на сите, ама за жал, никој од нас, обичните луѓе, не можеше да му го реши проблемот. Момчето без идентитет, без документи, едно од оние деца-фантоми, почина поради нашиот таканаречен систем, раштиман како клавир на ѓубриште.
На оние кои можеа да му помогнат да стане човек со многу скромна желба која ние останатите ја добиваме на тацна, баш им е гајле. Тие, поточно тој, системот, дури и сега слепо се придржуваат за некакви правила и принципи, па не им го даваат телото на детето на неговите роднини, дури ни да го погребаат и тоа, иако помина речиси една недела откако почина, се уште не почива во мир.
А и ние реагираме само откако ќе се случи најлошото. Луѓето без документи, па следствено на тоа, без здравствено осигурување, претежно млади, живеат од ден за ден, така како што знаат и умеат, без идентитет, без матичен број, без лична карта, без право на здравствено, на работа, на живот.
Целиот текст прочитајте го на порталот „Мајка и дете“.