МЕЛАНИЈА МУ ЗАБОДЕ НОЖ ВО ГРБ НА ТРАМП Нејзиниот став за абортусот може да го турне во изборен пораз
Императив е да се гарантира дека жените, врз основа на нивните убедувања, имаат автономија да одлучуваат за раѓање на дете, ослободени од каква било интервенција или притисок од Владата, пишува Меланија Трамп во мемоарите, што следната недела ќе бидат во книжарниците.
Белешка во претстојниот мемоар во која сопругата на Доналд Трамп силно го брани правото на абортус може да му ја помати водата на нејзиниот сопруг во изборната трка за претседател на САД. Ставот на Меланија е целосно спротивен со ставот на Трамп дека Ова е спротивно со ставот на Трамп дека американските држави треба да го ограничат прекинувањето на бременоста.
„Зошто некој освен самата жена да има моќ да одлучува што прави со своето тело“, напиша Меланија Трамп во нејзините мемоари што ќе бидат објавени четири недели пред претседателските избори во САД на 5 ноември.
Британскиот весник „Гардијан“ објави дека дошол до примерок од книгата која ќе биде насловена „Меланија“. Портпаролот на поранешната прва дама не одговори веднаш на барањето на Ројтерс за коментар.
„Ограничувањето на правото на жената да одлучи да стави крај на несаканата бременост е исто како и одземање на контролата врз сопственото тело. Тоа верување го имав во текот на мојот возрасен живот“, ги цитира „Гардијан“ мемоарите на Меланија Трамп.