МЕДИЦИНСКАТА СЕСТРА ОД МАНЧЕСТЕР ОСУДЕНА НА ДОЖИВОТЕН ЗАТВОР Стана најголем убиец на бебиња во британската историја

Откако беше прогласена за виновна минатата недела, медицинската сестра Луси Летби, која уби седум бебиња во Велика Британија, денеска е осудена на доживотен затвор, јави Би-Би-Си. Со оваа судска пресуда и потврдувањето на вината,  Летби  стана најголемиот убиец на бебиња во модерната британска историја.

Луси Летби (33) беше осудена за убиство на пет момчиња и две девојчиња и обид за убиство на уште шест новороденчиња во болницата во Честер, додека работела на ноќни смени во 2015 и 2016 година. Додека судијата ја објаснуваше пресудата, дел од родителите и луѓето во судницата плачеа. Летби не дојде на изрекувањето на пресудата.

– Суровоста и пресметаноста на вашите постапки биле навистина ужасни. Бевте фасцинирани од бебињата и нивните семејства, ги баравте на социјалните мрежи. Кај вас е најдено парче хартија со натписи: „Светот е подобар без мене“ и „Јас сум злобна, го направив тоа“ – рече судијата при изрекувањето на пресудата и детално ги образложи сите злодела што ги направила осудената Луси Летби.

МЕДИЦИНСКА СЕСТРА ОД МАНЧЕСТЕР ВИНОВНА ЗА УБИСТВО НА 7 БЕБИЊА Планирала да убие уште 6 новороденчиња