Марко Пејчиноски повторно го преплива Охридското Езеро ВИДЕО
Малиот Марко Пејчиноски од Охрид, денеска по втор пат го преплива Охридското Езеро. Нему му беа потребни нешто повеќе од седум часа за од Охрид да исплива до Свети Наум.
Марко пред три години го преплива езерото, кога со 12 години стана најмладиот маратонец што ја испливал 30-километарската делница од Свети Наум до Охрид.
Можеби ќе ве интересира
Овој пат тој пливаше во чест на православниот празник посветен на Свети Наум, кон кого охриѓани имаат изградено култ на чудотворец и исцелител. Манастирот посветен на Светецот уште од синоќа го посетија голем број верници со молитви за здравје.
Марко има инфракт на коска на долните екстремитети, но и покрај тоа двапати постигнува успех во своите подвизи.