МАРК ЗАКЕРБЕРГ СВЕДОЧЕШЕ ВО ТУЖБАТА ПРОТИВ МЕТА Се товари за намерно предизвикување зависност од социјални мрежи
Адвокатот на тужителката презентирал интерни документи кои, според него, покажуваат дека во минатото постоеле цели за зголемување на времето што корисниците го поминуваат на платформите.
Основачот на Meta, Марк Закерберг, сведочеше на судење во САД во рамки на тужба поднесена од млада жена која тврди дека социјалните мрежи ја довеле до зависност и сериозно нарушување на менталното здравје. Тој изјави дека научните истражувања не докажале дека платформите можат да предизвикаат зависност или директна штета врз психата на корисниците.
Тужбата се однесува на Instagram, кој е во сопственост на Meta, како и на YouTube, дел од Alphabet Inc.. Случајот се смета за пресвртница, иако не е единствен во низата постапки против технолошките компании поради наводно поттикнување зависност кај младите. Тужбата ја поднесе 20-годишна девојка, идентификувана како КГМ, која тврди дека ги користела социјалните мрежи од својата десетта година и дека тоа довело до влошување на депресијата и појава на самоубиствени мисли.
Нејзините адвокати посочија дека раната и интензивна употреба на платформите создала зависност од технологијата. Првично биле опфатени и TikTok и Snap Inc., но тие постигнале спогодба пред почетокот на судењето.
За време на рочиштето, адвокатот на тужителката презентирал интерни документи кои, според него, покажуваат дека во минатото постоеле цели за зголемување на времето што корисниците го поминуваат на платформите. Цукерберг признал дека такви цели постоеле, но нагласил дека подоцна биле укинати. Тој додаде дека компанијата формално не дозволува користење на платформите за лица под 13 години и дека се вложуваат напори за откривање на оние што лажно ја прикажуваат својата возраст.
По сведочењето реагираа и организации за заштита на децата, оценувајќи дека компаниите не преземаат доволна одговорност кога станува збор за безбедноста на најмладите. Цукерберг претходно јавно им се извини на семејствата кои сметаат дека социјалните мрежи придонеле за трагични исходи, но без да признае директна вина.
Исходот од овој процес може да има значително влијание врз илјадници слични тужби што се водат против компаниите од технолошкиот сектор. Одбраната на Meta тврди дека тужителката имала проблеми со менталното здравје и пред користењето на Instagram, посочувајќи и на тешки семејни околности како можен фактор за нејзината состојба.
View this post on Instagram