МАНУ ЌЕ ШТРАЈКУВА ЗА ПРВПАТ ПО 56 ГОДИНИ Причина се ниските плати кои биле „само малку над минималната“
Причина за штрајкот се недостоинствено ниските плати на вработените во Секретаријатот и стручните единици на МАНУ, кои се далеку под просечната плата во РС Македонија, односно малку над минималната плата. Според Законот за МАНУ, МАНУ е највисоката самостојна научна и уметничка институција во државата, соопшти Сојуз на синдикатите на Македонија.
Членовите на Синдикалната организација на Македонската академија на науките и уметностите (МАНУ), во која членуваат вработените во Секретаријатот и стручните единици на МАНУ, на 9 февруари 2023 година ќе стапат во штрајк поради ниски плати, соопшти Сојуз на синдикатите на Македонија.
Како што се наведува во известувањетпо, ова е првпат во 56-годишното постоење на МАНУ вработените во Секретаријатот и стручните единици да стапат во штрајк.
„Причина за штрајкот се недостоинствено ниските плати на вработените во Секретаријатот и стручните единици на МАНУ, кои се далеку под просечната плата во РС Македонија, односно малку над минималната плата. Според Законот за МАНУ, МАНУ е највисоката самостојна научна и уметничка институција во државата“, соопшти Сојуз на синдикатите на Македонија.
Во штрајкот нема да учествуваат академиците на МАНУ, ни научните соработници вработени во истражувачките центри на МАНУ.