🎥 МАЛОЛЕТНИЧКА Е ТЕШКО ПОВРЕДЕНА Загина скопјанец откако автомобил падна во река

Во сообраќајната несреќа на магистрален пат Кичево – Гостивар кај селото Колари животот го загуби 46-годишен скопјанец, откако со возилото што го управувал излетал од патот.

Во сообраќајката со тешки повреди се здобила малолетна сопатничка во автомобилот.

„На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево“, информира СВР Охрид.

Телевизија 21 синоќа објави видео од сообраќајката кај Колари.