Македонските екипи ги добија противниците во Лига Европа

Во седиштето на Европската фудбалска асоцијација (УЕФА) попладнево беше извршена ждрепка за второто коло во квалификациите за Лигата на Европа.

Во второто по квалитет клупско континентално натпреварување ќе учествуваат и три македонски екипи: Шкендија, Ренова и Силекс.

Шкендија како и во првото коло, ќе игра на гостински терен, овојпат со Ботошани од Романија.

Силекс на домашен терен ќе игра со Дрита од Косово, а исто така и Ренова ќе биде домаќин, ќе го пречека Хајдук од Сплит.

И во оваа фаза ќе се игра само по еден натпревар. Терминот е 17 септември.