МАКЕДОНСКИОТ ВО ЗАМИНУВАЊЕ МУ ЧЕСТИТАШЕ НА НОВИОТ БУГАРСКИ ПРЕМИЕР Време е за нов позитивен импулс во билатералните односи

На колегата Кирил Петков му го честитав изборот за претседател на Министерскиот совет на Република Бугарија, соопшти на Фејсбук премиерот во оставка Зоран Заев.

„Во телефонскиот разговор на премиерот Петков му посакав успешен мандат и остварување на сите приоритети утврдени во програмата на неговата Влада, а со цел добробит и просперитет на бугарската држава и бугарските граѓани.

Во разговорот изразивме подготвеност да ја забрзаме нашата комуникација и соработка низ повеќе работни групи во областите на економијата, културата, здравството, енергетиката, инфраструктурата и други области од интерес на македонските и на бугарските граѓани.

Се согласивме да продолжиме да работиме на изнаоѓање прифатливо решение за деблокирање на постапката за почеток на преговорите за членство на Северна Македонија во ЕУ и за нов позитивен импулс за зајакнување на билатералните односи меѓу нашите две земји, во име на заедничката европска иднина“, пишува Заев на Фејсук.