Македонија со највисока стапка на смртност од коронавирусот од државите од поранешна Југославија

Просечната стапка на смртност од коронавирусот во државите од поранешна Југославија изнесува 2.7 отсто, бројот на потврдени случаи во сите шест земји е 7.170, додека починати вкупно има 196, покажуваат официјалните податоци заклучно со денешниот ден, јавува N1.

Според податоците, најголема стапка на смртност има во Македонија и изнесува 4.5 отсто. Во Македонија има 663 позитивни на коронавирусот и 30 смртни случаи.

Босна и Херцеговина, во која досега се потврдени 857 случаи, има 35 починати, со стапка на смртност од 4.1 отсто.

Селдна е Словенија со 3.8 отсто, има 1124 заразени лица и 43 починати.

Потоа селеди Србија која има најмногу потврдени случаи – 2.867 и 66 мртви и има стапка на смртност од 2.3 отсто.

Хрватска е претпоследна со 1.4 отсто и официјално 1.407 случаи и 20 починати.

Најниска стапка на смртност има Црна Гора 0.8 отсто, која воедно е и последна држава во Европа во која коронавирусот е регистриран. Бројот на потврдени случаи на смртоносниот вирус во Црна Гора е 252, а двајца заболени починале.