МАКЕДОНИЈА ПРВПАТ ДОМАЌИН НА ПАРЛАМЕНТАРНА АКТИВНОСТ НА НАТО Мицкоски и Мисајловски ќе се обратат, Ковачки шеф на делегација
„Овој викенд во Скопје, Постојаниот комитет на ПС НАТО ќе прослави пет години Северна Македонија во НАТО“, напиша на Фејсбук Парламентарното собрание на НАТО.
Редовниот годишен состанок на Постојаниот комитет на Парламентарното собрание на НАТО, во кој членуваат шефовите и заменик-шефовите на националните парламентарни делегации, ќе се одржи денеска и утре во Собранието на Република Северна Македонија.
Шефот на Делегацијата од Македонија во Парламентарното собрание на НАТО, Драган Ковачки, споделувајќи ја на Фејсбук најавата на Парламентарното собрание на НАТО порача дека „ова е првпат Македонија да е домаќин на парламентарна активност на НАТО“.
„Денеска се одбележуваат 76 години од основањето на НАТО – камен-темелник на европската и северноамериканската безбедност. Овој викенд во Скопје, Постојаниот комитет на ПС НАТО ќе прослави пет години Северна Македонија во НАТО“, напиша на Фејсбук Парламентарното собрание на НАТО.