МАЈК ТАЈСОН ПАДНА НА КОЛЕНА Годините си го направија своето

Блогерот Џејк Пол победи во бокс меч со поранешниот апсолутен светски шампион во тешка категорија Мајк Тајсон. Тројцата судии гласаа во полза на Пол (80:72, 79:73, 79:73).

Борбата се одржа на боксерска вечер во Арлингтон (Тексас, САД) и траеше осум рунди.

– Не сум изненаден што се случи ова. Не се обидував никому ништо да докажам, само мило ми е што успеав да се борам. Пол е добар борец. Дали е ова крај на кариерата? Зависи од ситуацијата. Мислам дека ова не е мојата последна борба – изјави Тајсон по мечот.

За 27-годишниот Пол оваа победа беше 11. во професионалниот ринг, има и еден пораз.

Педесет и осумгодишниот Тајсон го претрпе седмиот пораз во кариерата, има 50 победи од кои 44 со нокаут.