ЛУКСУЗНИТЕ БРЕНДОВИ СЕ ВО КРИЗА Клиентите сметаат дека не нудат ништо инвентивно
Луксузните брендови, вклучувајќи ги LVMH (кој ги поседува Диор и Луј Витон), Бурбери и Керинг (кој ги поседува YSL и Гучи) ги пропуштија целите за приходи оваа година.
Пазарот на луксузни стоки ќе забави годинава, прв пат по Големата рецесија во 2009 година. Сега 50 милиони потрошувачи на луксуз се откажаа од купување дизајнерски чанти, шалови, часовници и друго поради високите цени и падот на куповната моќ, предупредува Bain & Company во новиот годишен извештај за луксуз.
– Само една третина од луксузните брендови ќе ја завршат годината со позитивен раст- тврди Бејн, во споредба со две третини минатата година.
Компанијата смета дека во наредниот период брендовите треба да ја преиспитаат својата понуда за вредност – главно за генерацијата Z – за да преживеат и да продолжат да ги исполнуваат нивните растечки очекувања.
Според Мари Дрискол, аналитичар на капитал фокусиран на луксузната малопродажба, клучно е реизнвестирањето.
– Вратете се на книгите, направете ги производите поинспиративни, направете го шопинг искуството убаво. Морате постојано да го запознавате потрошувачот од нов агол и да го изненадувате и воодушевувате. И неверојатниот сладолед е досаден по петти пат- вели таа.
Според неа, на одредено ниво, брендовите ги прекршија своите ветувања за потрошувачите.
-Од 2019 година, има висок пораст на цените на луксузот без соодветно зголемување на иновациите, услугата, квалитетот или привлечноста што треба да ги обезбеди луксузниот бренд – додава Дрискол.
Луксузните брендови, вклучувајќи ги LVMH (кој ги поседува Диор и Луј Витон), Бурбери и Керинг (кој ги поседува YSL и Гучи) ги пропуштија целите за приходи оваа година.
