„Луфтханза“ ја намалува флотата, а „Германвингс“ привремено се затвора
Компанијата очекува периодот на „значителен пад“ на авио-патувањата да трае долго откако ќе заврши кризата со коронавирусот, се наведува во соопштението на „Луфтханза“.
Најголемиот германски авиопревозник „Луфтханза“ ја намалува својата флота, бидејќи пандемијата од Ковид-19 и натаму го нагризува неговото работење.
Германскиот национален авио-превозник, исто така, привремено ќе го прекине работењето на својата нискотарифна филијала „Германвингс“ , заради падот на побарувачката на патниците.
Компанијата очекува периодот на „значителен пад“ на авио-патувањата да трае долго откако ќе заврши кризата со коронавирусот, се наведува во соопштението на „Луфтханза“.
Овој потег, според толкувањето на „РТ“ изгледа како „прво трајно намалување на капцитетите“ на „Луфтханза“, што вклучува расходување на повеќе десетици нејзини авиони, меѓу кои и шест летала „Ербас А380“, што се најголемиот патнички авион на светот, со капацитет меѓу 525 и 853 патници.
Предвидувањата се дека подоцна од употреба ќе бидат повлечени и други авиони на „Луфтханза“.