ЛУДОСТ НА ЖЕЛЕЗНИЧКА ПРУГА Со џип возел по шини, сега ќе го возат во затвор (ВИДЕО)

Извесен Арон О’Халоран возел по шините речиси еден километар и предизвикал одложувања на железничката пруга од осум часа, за на крајот да заврши со затворска казна од 15 месеци.

Лудоста која ја направил Арон О’Халоран на железничката пруга, помеѓу станиците Дадестон и Астон во Бирмингем во Англија, на 9 мај, а може да се види на снимките кои се направени од надзорните камери, предизвика штета од над 25.000 евра, објави британската сообраќајна полиција.

Како што пренесува Ревија ХАК, поротата го прогласила 32-годишниот Арон од Хендсворд за виновен, а изречена му е казна за загрозување на луѓето кои се наоѓале на железницата, опасно возење, возење додека бил исклучен од сообраќај и користење на несигурно возило.

Тој е исклучен од сообраќајот две години, а е осуден на казна затвор од 15 месеци.

Полицаец пред судот изјавил дека автомобилот бил пронајден напуштен и паркиран преку патеката, а иако осуденикот успеал да побегне од местото на настанот, неговиот мобилен телефон останал во автомобилот кој го пронашла полицијата, па поради тоа неговите тврдења дека личноста која ја направила оваа лудост не е тој, пред судот немаа никакво значење.