Луѓето со нулта крвна група имаат помали шанси да се заразат со ковид-19
Научниците заклучиле дека луѓето со нулта крвна група потешко се заразуваат од луѓето со крвна група А, Б и АБ, а како што посочииле, шансите за зараза се 13 проценти помали во споредба со другите.
Луѓето со нулта крвна група имаат блага предност во однос на другите во поглед на ковид-19. Вакви резултати добиле данските научници кои тврдат дека помал е ризикот да се заразат луѓето со крвна група „0“.
Како што истакнале тие во извештајот, крвната група игра улога во отпорноста на човекот од новиот коронавирус, а според нив, тоа би можело да одигра и клучна улога кога на ред ќе дојде распоредувањето на вакцините.
Истражувањето било спроведено во Универзитетот Архус во Данска, а биле користени податоци од вкупно 470.000 луѓе тестирани на ковид-19.
Научниците заклучиле дека луѓето со нулта крвна група потешко се заразуваат од луѓето со крвна група А, Б и АБ, а како што посочииле, шансите за зараза се 13 проценти помали во споредба со другите.
„Станува збор за интересен податок кој покажува дека нешто се случува помеѓу вирусот и нашите крвни групи. Треба тоа повеќе да се истражи“, наведуваат научниците.
Причината за отпорноста на луѓето со 0 крвна група од коронавирусот засега е непозната, но научниците планираат да направат понатамошни истражувања за да ја откријат причината. Тоа откритие, тврдат тие, би можело многу да придонесе во борбата со ковид-19.